ԱՄՆ նախկին նախագահ Դոնալդ Թրամփը հայտարարել է, որ թույլ կտար Ռուսաստանին գրավել Ուկրաինայի մի մասը՝ պատերազմից խուսափելու կամ դադարեցնելու համար։ Թրամփը պնդում է, որ գիտի «կախարդական խոսքեր», որոնց օգնությամբ անմիջապես կդադարեցվեն մարտերը։ Թրամփը նաև հայտարարել է, որ Ռուսաստանի Դաշնությունը կարող է գրավել որոշ տարածքներ, որոնք, նրա կարծիքով, «ռուսալեզու» են։
Նա հիշել է, թե ինչպես Բուշի և Օբամայի օրոք Ռուսաստանը վերահսկողության տակ առավ Վրաստանի և Ուկրաինայի որոշ հատվածներ, իսկ Բայդենի օրոք նա ընդհանրապես «շվեդական սեղան» ստացավ։
«Իսկ Թրամփի օրոք Ռուսաստանը ոչինչ չգրավեց, որովհետև Պուտինը հասկանում էր, որ նման բան չի անի: Եվ դա նույնիսկ առանց պայմանավորվածության: Վատագույն դեպքում կարող էի կազմակերպել, որ նրանք ինչ-որ բան գրավեն»,- ասել է Թրամփը։
