Արդարադատության նախարարի տեղակալ Լևոն Բալյանը մասնակցել է Եվրոպայի խորհրդի «Ազատությունից զրկված անձանց իրավունքների պաշտպանության ամրապնդումը» և «Աջակցություն Հայաստանում պրոբացիայի ծառայության հզորացմանը» ծրագրերի համակարգող խորհուրդների առաջին հանդիպմանը:
Նախարարի տեղակալը շնորհակալություն է հայտնել Եվրոպայի խորհրդին՝ Հայաստանի Հանրապետության քրեակատարողական և պրոբացիայի ոլորտների բարեփոխումներին աջակցություն ցուցաբերելու համար:
Լևոն Բալյանը նշել է, որ նախկինում ևս առիթ ունեցել է անդրադառնալու նախորդ գործողությունների ծրագրի շրջանակներում գրանցած հաջողություններին: Նախարարի տեղակալը նշել է նաև, որ խոսքը վերաբերում է մասնավորապես պրոբացիայի շահառուների մասնագիտական ուսուցման առաջին կենտրոնի բացմանը, քրեակատարողական հիմնարկներում ինքնավնասման և ինքնասպանության ռիսկի, ինչպես նաև հոգեկան առողջության զննության և ռիսկի գնահատման գործիքակազմի ներդրմանը, էլեկտրոնային բժշկական համակարգի և e-probation համակարգի մշակմանը և այլն:
Լևոն Բալյանը բարձր է գնահատել այն հանգամանքը, որ քրեակատարողական ոլորտում ընդլայնվել է Եվրոպայի խորհրդի հետ Արդարադատության նախարարության համագործակցությունը՝ այն տարածելով ոչ միայն բանտային բժշկության ոլորտի, այլև առհասարակ ազատությունից զրկելու տարբեր ասպեկտների խնդիրները հասցեագրելու վրա:
Նախարարի տեղակալը նշել է, որ նոր փուլում ակնկալվում է շարունակել համագործակցությունն արդեն իսկ առկա ոլորտներում, ինչպես նաև սերտորեն համագործակցել դատապարտյալների ռիսկերի և կարիքների գնահատման, պատժի անհատական պլանավորման, դատապարտյալներին պատժից ազատելուն պատրաստման, վերասոցիալականացման արդյունավետ ծրագրերի ներդրման, քրեակատարողական և պրոբացիայի համակարգերի կարողությունների զարգացման և այլ ուղղություններով:
Ամփոփելով ելույթը՝ նախարարի տեղակալը վերահաստատել է Արդարադատության նախարարության պատրաստակամությունը քրեակատարողական և պրոբացիայի ոլորտներում բարեփոխումների շարունակականության ապահովման կապակցությամբ:
Հոկտեմբերի 23-ին ՀՀ պաշտպանության նախարար Սուրեն Պապիկյանն ընդունել է Հայաստանի Հանրապետությունում Վրաստանի արտակարգ և լիազոր…
«Փորձում ենք հնարավորինս ծանրակշիռ մարդկանց առաջարկել, բայց ես վստահ եմ, որ մոտ ապագայում մենք կունենանք…
Microsoft Corporation-ի հիմնադիր Բիլ Գեյթսը գաղտնի գումար է նվիրաբերել Հարիսի ընտրարշավին։ The New York Times-ը,…
ԱԺ նախագահ Ալեն Սիմոնյանն անդրադարձել է Հայաստանի տարածքում ադրբեջանական ԶՈւ ներկայությանը՝ նշելով. «Նրանք 200 կմ²…
Հոկտեմբերի 23-ի լույս 24-ի գիշերը և 27-28-ի գիշերը Արարատյան դաշտում օդում սպասվում է -1․․․-3 աստիճան,…
Բաքվի լրատվամիջոցները հայտնում են, որ մի հետաքննող լրագրողների մի խումբ զբաղվել է Ադրբեջանի նախկին Ազգային…