Ռուսաստանում մեկ օրում COVID-19-ով 785 հիվանդ է հոսպիտալացվել

Ռուսաստանում մեկ օրում COVID-19-ով հոսպիտալացվել է 785 հիվանդ՝ 39%-ով պակաս, քան նախորդ օրը, ապաքինվել է 9815 մարդ, հայտնել են կորոնավիրուսի տարածման դեմ պայքարի օպերատիվ շտաբից։

«Ռուսաստանի Դաշնությունում 2023 թվականի մարտի 19-ի դրությամբ օրական հոսպիտալացումների թիվը կազմել է 785 մարդ և նախորդ օրվա համեմատ նվազել է 39%-ով»,- ասվում է զեկույցում։

Ռուսաստանի Դաշնության 68 մարզերում դեպքերի նվազում է նկատվում, 7 մարզերում իրավիճակը չի փոխվել։

«Մեկ օրում մահացել է 33 մարդ»,- ասվում է զեկույցում։