Ռուսաստանն ու Վրաստանը կանգնած են ուղիղ չվերթների վերականգնման և վիզաների վերացման շեմին։ Այս մասին չորեքշաբթի օրը հայտարարել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի ղեկավար Լեոնիդ Կալաշնիկովը:
Կալաշնիկովը նշել է, որ դժվար է ասել, թե երբ տեղի կունենան այդ որոշումները և ինչ հերթականությամբ։
Ռուսաստանի նախագահ Վլադիմիր Պուտինի հրամանագրով ռուսական ավիաընկերություններին 2019 թվականի հուլիսի 8-ից ժամանակավորապես արգելվել էր օդային փոխադրումներ իրականացնել դեպի Վրաստան։
Նույն օրը ուժի մեջ էր մտել Ռուսաստանի տրանսպորտի նախարարության որոշումը՝ դադարեցնելու վրացական ավիաընկերությունների թռիչքները դեպի Ռուսաստան։
Ռուսաստանի իշխանություններն այս քայլին դիմեցին այն բանից հետո, երբ 2019 թվականի հունիսի 20-ին Թբիլիսիում մի քանի հազար մարդ հակառուսական ցույց էր կազմակերպել խորհրդարանի շենքի մոտ։
