ԱԺ «Հայաստան» խմբակցության ղեկավար Սեյրան Օհանյանն անդրադարձել է խաղաղության պայմանագրի շուրջ բանակցություններին։
Նա հիշեցրել է, որ Լաչինի միջանցքը փակելուց հետո իրենք հայտարարության նախագիծ ներկայացրին. «ԱԺ քաղաքական մեծամասնության կողմից ինչ-ինչ հնարքներով մեր հայտարարությունը գցեցին երկրորդ պլան, և անցավ իրենց հայտարարությունը, որը ոչինչ ասող էր․
կարմիր գծերի, Արցախի ինքնորոշման վերաբերյալ, Արցախի անվտանգության հետ կապված խնդիրների առնչությամբ ՀՀ հանձնառության վերաբերյալ, նաև՝ այս պայմաններում, իր իսկ պատմական տարածքում ինքնորոշման վերաբերյալ։
Ադրբեջանի կողմից համապատասխան հռետորաբանության և սպառնալիքի, սադրանքների իրականացման պայմաններում Արցախը չի կարող լինել Ադրբեջանի կազմում և, ընդհանուր առմամբ, Ադրբեջանի ենթակայության տակ»։Նրա դիտարկմամբ՝ հերթական անգամ ռազմաքաղաքական բարդ իրավիճակում քաղաքական մեծամասնությունը մերժեց իրենց.
«Արցախը Հայաստանի հետ հայտնվել է մի պայմաններում, որ գնալ կեղծ խաղաղության օրակարգի՝ անընդունելի է։ Մանավանդ, որ առօրյա իրականության մեջ տեսնում ենք, որ Ադրբեջանը շարունակում է իր հռետորաբանությունը, սադրանքները, ճնշումները Արցախի և Հայաստանի նկատամամբ»,- ասաց Օհանյանը։