Մենք մեր բանակցային փաթեթը հրապարակել էինք. Սարգսյան

ՀՀ երրորդ նախագահ Սերժ Սարգսյանը, որը մասնակցում է Սամվել Ֆարմանյանի՝ «Միայնակ ընդդեմ ճակատագրի. ֆուտբոլային դիվանագիտության հետնաբեմը» գրքի շնորհանդեսին, լրագրողների հետ զրույցում կարծիք հայտնեց, որ Սամվել Ֆարմանյանը մեծ գործ է կատարել։

«Սամվելն արդեն ինձ գիրք նվիրել է, կարծում եմ 1-2 օրվա ընթացքում կկարդամ, բայց Ֆարմանյանի ո՛չ հիշողության վրա, ո՛չ էլ ունակությունների՝ դեպքերը գրի առնելու մասով»,- նշեց Սարգյսանն ու զուգահեռներ անցկացրեց ներա և իր ժամանակվա «ֆուտբոլային դիվանագիտության» միջև։

«Մեր ժամանակ «ֆուտբոլային դիվանագիտության» ընթացքում ուղարկված գնդակը մնաց Թուրքիայի դաշտում, իսկ սրանց վարած դիվանագիտության ընթացքում, ցավոք սրտի, թուրքական «բայրաքթարները» հայտնվեցին մեր երկրում։ Սա է տարբերությունը»։

Քաղաքական գործիչը նաև նշեց, որ իր կառավարման տարիներին նպատակը ոչ թե Թուրքիայի հետ ճանապարհները բացելը կամ տնտեսական ինչ-որ նպատակներ էր, այլ Հայաստանի անվտանգությունն ապահովելն էր։

«Մեր ցանկությունն էր, որպեսզի Թուրքիային հեռու պահենք Ադրբեջանին գոնե բացահայտ ռազմական աջակցություն ցույց տալուց։

Մենք մեր բանակցային փաթեթը գոնե հրապարակել էինք, դուք տեղյա՞կ եք իրենք ինչ են բանկցում Թուրքիայի հետ»,- հավելեց ՀՀ երրորդ նախագահը։