Բոլոր մակարդակներում Ադրբեջանին հակազդելու խիստ անհրաժեշտություն կա․ Աբրահամյան
Ադրբեջանական ապատեղեկատվությունը մեծ ծավալների է հասնում, ինչն իր մեջ հսկայական ռիսկեր է պարունակում: Բոլոր մակարդակներում նրան հակազդելու խիստ անհրաժեշտություն կա: Այս մասին իր ֆեյսբուքյան էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։
«Արցախի ուղղությամբ ադրբեջանական ճնշումն այս փուլում հիմնականում դրսևորվում է 2 հարթությունում:
Առաջինը, քաղաքական-քարոզչական մակարդակում դրսևորվող ագրեսիվ քաղաքականությունն է` Արցախին ագրեսոր և պարտավորություններ չիրացնող սուբյեկտ ներկայացնելով:
Ադրբեջանն այս ճանապարհին փորձում է Արցախ մտնող հումանիտար բեռն ու ռազմավարական նշանակության բեռները որպես ռազմամթերք և զորքերի տեղափոխում ներկայացնել, ինչն ըստ ադրբեջանական կողմի, լեգիտիմ իրավունք է ստեղծում «հակաահաբեկչական օպերացիա» իրականացնելու, ասել է թե` հարված հասցնելու համար:
Ադրբեջանական ապատեղեկատվությունը մեծ ծավալների է հասնում, ինչն իր մեջ հսկայական ռիսկեր է պարունակում:
Երկրորդ, Ադրբեջանը համակարգված ձևով կրակի տակ է պահում գյուղատնտեսական աշխատանքներ իրականացնող խաղաղ բնակիչներին, որը 2 նպատակ է հետապնդում` խոչընդոտել գյուղատնտեսական աշխատանքները և սրել պարենային անվտանգության խնդիրը, երկրորդ, ահաբեկել ու վախի մթնոլորտ ստեղծել/խորացնել արցախցիների շրջանում:
Բոլոր մակարդակներում` քարոզչականից մինչև պաշտպանական, Ադրբեջանին հակազդելու խիստ անհրաժեշտություն կա:
Հենց դիմակայության արդյունավետությունից է կախված իրադարձությունների հետագա ընթացքը», – գրել է նա:
Recent Posts
Բանակում ինչ լինում է, բոլորս hարձակվnւմ ենք պաշտպանության նախարարության վրա. Փաշինյան
Բանակում ինչ լինում է, բոլորս հարձակվում ենք պաշտպանության նախարարության վրա։ Այս մասին կառավարության նիստում հայտարարեց…
Մոսկվային և Բաքվին կապում է դաշնակցային փոխգործակցությունը. ՌԴ ԱԳ փոխնախարար
Ռուսաստանը վստահ է, որ Ադրբեջանում Ռուսական տան շուրջ ստեղծված իրավիճակի լուծումը կգտնվի. դրա համար պետք…
Վարորդական իրավունքները համատարած կեղծ են. վարչապետ
Վարչապետ Նիկոլ Փաշինյանը, խոսելով վթարների և զոհերի մեծ թվի մասին, առաջարկել է վարորդների ատեստավորում անել.…
Երկրում կադրային ճգնաժամ է. վարչապետ
«7 տարվա մեջ ով վեր է կենում, առավոտից երեկո ասում է՝ էս կառավարությունը սխալ կադրային…
Մաքսատուրքերը մեծ տնտեսական սխալ են. ԵԽ նախագահ
ԱՄՆ նախագահ Դոնալդ Թրամփի սահմանած մաքսատուրքերը «տնտեսական մեծ սխալ» են։ Այս մասին հայտարարել է Եվրոպական…
Անհնար է միաժամանակ լինել ԵԱՏՄ-ում և ԵՄ-ում. Գալուզին
ՌԴ փոխարտգործնախարար Միխայիլ Գալուզինը հայտարարել է, թե անհնար է միաժամանակ լինել ԵԱՏՄ-ում և ԵՄ-ում, բայց…