Հայաստանը հատուկ դիրքորոշում է վերապահել ամփոփիչ փաստաթղթի վերաբերյալ․ Կոսաչով

ՌԴ Դաշնային խորհրդի փոխնախագահ Կոնստանտին Կոսաչովը ափսոսանք է հայտնել, որ Հայաստանը մասնակցում է ամերիկյան «Հանուն ժողովրդավարության գագաթնաժողովին»։ Այդ մասին նա հայտարարել է «Говорит Москва» ռադիոկայանի եթերում․

«Այս օրերին անցկացվում է այսպես կոչված «Հանուն ժողովրդավարության» գագաթնաժողովը, որն ամերիկացիներն են կազմակերպել։ Դրան, եթե չեմ սխալվում, 120 երկիր է մասնակցում, այդ թվում, ցավոք սրտի, որոշ մեր դաշնակիցներ՝ ինչպիսին է, օրինակ, Հայաստանը։ Ես դա ափսոսանքով եմ ասում։ Հայաստանը հատուկ դիրքորոշում է վերապահել ամփոփիչ փաստաթղթի վերաբերյալ․ երեք երկիր՝ Հայաստանը, Մեքսիկան ու Հնդկաստանը ձեռնպահ մնացին այդ կետի շուրջ»,- ընդգծել է նա։