Վարժանքներ՝ Հայաստանի լեռներում

ՌԴ ՊՆ-ն հայտնում է, որ Հայաստանում ՌԴ ՊՆ Հարավային ռազմական օկրուգի ռազմաբազայի օպերատիվ-մարտավարական ավիացիայի ՄիԳ 29 բազմանպատակային կործանիչների օդաչուները, ձմռան սեզոնի վերահսկիչ ստուգման շրջանակում, ոչնչացրել են պայմանական հակառակորդի հակաօդային պաշտպանության օբյեկտները:

Ուսումնական թռիչքներում ներգրավված է եղել Հարավային ռազմական օկրուգի ավելի քան 130 զինվորական, ներգրավված է եղել շուրջ 25 միավոր ռազմական և հատուկ տեխնիկա, այդ թվում՝ ՄիԳ 29 բազմաֆունկցիոնալ կործանիչներ։

Վարժանքների ծրագրի համաձայն՝ հրամանատարությունը հետախուզական տեղեկատվություն է ստացել բարձրլեռնային գոտում «թշնամու» ՀՕՊ ուժերի տեղակայման մասին, օպերատիվ-մարտավարական ավիացիայի անձնակազմին հանձնարարվել է ոչնչացնել օբյեկտները։

ՄիԳ 29-ի օդաչուները օրվա տարբեր ժամերին մարտական ուսումնավարժական թռիչքներ են իրականացրել դեպի այն տարածք, որտեղ տեղակայված են եղել պայմանական հակառակորդի հակաօդային պաշտպանության միջոցները և էլեկտրոնային արձակումներով ոչնչացրել թիրախները։

Հարվածի արդյունքում վերացվել են բոլոր օբյեկտները։