Պարոն Աջապահյան, հաճախ եկեղեցում մոմ վառեք և Աստծուց ներում հայցեք. Էմմա Պալյան

ՀՀ Ազգային ժողովի «Քաղաքացիական պայմանագիր» խմբակցության պատգամավոր Էմմա Պալյանն այսօր ԱԺ արտահերթ նիստի ընթացքում անդրադարձավ Շիրակի թեմի առաջնորդի կողմից վերջին օրերին իշխանության հասցեին հնչեցված վիրավորական արտահայտություններին։

«Արդեն մի քանի օր է, ինչ նա նորից քաղաքական խոսույթով քննադատում է վարչապետի հայտարարությունները՝ հնչեցնելով վիրավորական արտահայտություններ ընտրված իշխանությունների հասցեին, ասում է՝ նախորդ իշխանությունները Աստծուց էին, ու եկեղեցին հաշտ էր նրանց հետ։ Աջապահյանը մոռանում է, որ նախորդ իշխանությունները ընտրված չէին, հետևաբար Աստծուց չէին կարող լինել»,- ասաց նա։

Պալյանը Աջապահյանին հորդորեց քաղաքական խոսույթներից զատ, հնչեցնել նաև հոգևոր խոսույթներ․ «Ձեր տեղը եկեղեցում է, և լավ կլինի՝ եկեղեցում հաճախ մոմ վառեք ու ներում հայցեք Աստծուց»։