«Ո՛չ ներպետական, ո՛չ միջազգային մակարդակում քաղբանտարկյալների առկայությունը հիմնավորող որևէ տվյալ չունենք:
Բոլոր այն անձինք, որ զբաղվել են քաղաքական գործունեությամբ, բայց մեղադրվում են, օրինակ, կոռուպցիոն հանցագործությունների մեջ, դա մեխանիկական հիմք չէ նրանց քաղաքական հետապնդման ենթարկելու մասին դատողություն անելու տեսանկյունից»:
Այս մասին այսօր Ազգային ժողովում հայտարարեց ՀՀ գլխավոր դատախազ Աննա Վարդապետյանը՝ պատասխանելով «Հայաստան» խմբակցության պատգամավոր Արմենուհի Կյուրեղյանի հարցին՝ 2022 թվականին քաղաքական դրդապատճառներով քրեական հետապնդումներ եղե՞լ են, թե՞ ոչ:
Գլխավոր դատախազը նաև հավելեց, որ եթե գոնե դատարան գնացած գործերի մեղադրանքները նայենք, դրանք առավելապես ֆինանսական, կոռուպցիոն բնույթի հանցագործություններ են և քաղաքական որևէ տարր չեն պարունակում:
