Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Երեւի մի 10 տարի առաջ, երբ Ադրբեջանը սպառազինությունների դիմաց Ռուսաստանին 4 միլիարդ դոլար պիտի վճարեր, իսկ պետական բյուջեն մեծ ճեղքեր ուներ, Իլհամ Ալիեւը կարգադրեց, որ Ազգային նավտանգության նախարարությունը երկու տասնյակից ավելի գործարարի բերման ենթարկվի: Մեկ շաբաթ անց անհրաժեշտ գումարը մուծված էր: Հետո, իհարկե, պարզվեց, որ ԱԱ նախարար Մարհմուդովը մոտ մեկ միլիոն դոլար էլ իր կարիքների համար է գործարարներից բռնագանձել, բայց դա լրիվ ուրիշ թեմա է:
Այդ գաղտնիքը բացվելուց հետո Ալիեւը լուծարեց ԱԱ նախարարությունը, տասնյակ բարձրաստիճան սպաներ պատժվեցին, իսկ Մահմուդովը մինչ օրս մերձքաղաքային ամառանոցում տնային կալանք է կրում:
«Կոպեկ առ կոպեկ վերադարձնելով» հարց չի լուծվելու. ահա՝ անձը, ահա՝ նրա գուքը եւ ֆինանսական միջոցները, ահա՝ պետությունը, որ առաջարկում է կամավոր հանձնել ապօրինի ճանապարհով կուտակածը: Չի՞ համաձայնում, պետությունը ժողովրդի անունից բռնագանձում է: Թե չէ դատարա՜ն-բա՜ն՝ լրիվ անիմաստություն է:
