«Մեր մասնագետներն այլ երկրներում խնդիրներ ունեն». Ավանեսյան

Առողջապահության նախարար Անահիտ Ավանեսյանը, ներկայացնելով Հայաստանում բուժաշխատողների լիցենզավորման համակարգը, մանրամասնել է փոխչճանաչելիության հարցը։

Ըստ նրա՝ Հայաստանը միջազգային և երկկողմանի պայմանագրերի շրջանակներումճանաչում է տվյալ պետության տված լիցենզիաները. «Դրա համար մասնագետը նախօրոք մեզ տեղեկացնում է, տրամադրում լիցենզիայի պատճենը և կարողանում է այստեղ հանգիստ գործունեություն ծավալել»։

Նախարարը մանրամասնեց, որ հայ մասնագետներն այս առումով խնդիրների են բախվում արտերկրում. «Մեր մասնագետներն այլ երկրներում մասնագիտական վերապատրաստումների, որոշակի նեղ մասնագիտացումների մասնակցելու խնդիրներ ունեն, որովհետև մենք չունենք լիցենզավորման համակարգ, իսկ շատ այլ երկրներում բժշկի՝ լիցենզիա չունենալը դիտարկվում է տարօրինակ երևույթ։ Իհարկե, մենք հավաստում ենք նրա կրթության վկայագիրը, դիպլոմը, բայց լիցենզիան այն փաստաթուղթն է, որ միջազգայնորեն ճանաչում է բժշկի՝ մասնագիտական գործունեություն իրականացնելու իրավունքը»։