Առողջապահության համաշխարհային կազմակերպությունը (ԱՀԿ) չեղյալ է հայտարարում նոր կորոնավիրուսային հիվանդության (COVID-19) համաճարակի կարգավիճակը, հայտարարել է ԱՀԿ-ի գլխավոր տնօրեն Թեդրոս Գեբրեյեսուսը։
Նա նշել է, որ վերջին մեկ տարվա ընթացքում ԱՀԿ արտակարգ կոմիտեն «մանրակրկիտ վերլուծել է տվյալները և դիտարկել, թե երբ է ճիշտ ժամանակը նվազեցնելու վտանգի մակարդակը»։
Հիշեցնենք, որ COVID-19-ի բռնկումը Չինաստանում, այնուհետև Եվրոպայում, համաշխարհային մասշտաբի նորություն դարձավ 2019-2020 թվականների ձմռանը։
2020 թվականի մարտի 11-ին ԱՀԿ-ն հայտարարեց կորոնավիրուսային պանդեմիա։
