Սեւծովյան տնտեսական համագործակցության խորհրդարանական վեհաժողովի անդամ երկրների խորհրդարանների նախագահների գագաթնաժողովին հաջորդել է լիագումար 61-րդ նիստը:
Երկօրյա քննարկումների ընթացքում Հայաստանը ներկայացրել են վեհաժողովում մեր երկրի պատվիրակության ղեկավար Բաբկեն Թունյանն ու պատվիրակության անդամ Գեւորգ Պապոյանը:
Օրակարգի առանցքում է եղել խորհրդարանական դիվանագիտության դերը գլոբալ փոփոխությունների դինամիկայում: ԱԺ պատգամավորներն Անկարայում բարձրացրել են հայկական օրակարգի կարեւոր հարցերը:
Բաբկեն Թունյանը խոսել է սահամանային իրավիճակից, Ադրբեջանի կողմից Լաչինի միջանցում տեղադրված ապօրինի անցակետից ու կոչ է արել Ադրբեջանին՝ հարգել իր իսկ կողմից ստորագրված եռակողմ համաձայնագրի դրույթները, ինչը, բնականաբար, բուռն արձագանք է ստացել Անկարայում՝ գագաթնաժողովի թուրք և ադրբեջանցի մասնակիցների կողմից:
Գևորգ Պապոյանի ելույթի ժամանակ էլ ադրբեջանցի պատվիրակները բուռն արձագանք են տվել՝ լսելով, որ Ադրբեջանը բլոկադայի է ենթարկել արցախահայությանը և կա ցեղասպանության վտանգ և ստեղծված իրադրության մեղավորն ադրբեջանական կողմն է, Պապոյանին մեղադրել են սուտ խոսելու մեջ:
