ԵՄ-ն չի կարողացել նպաստել Հարավային Կովկասում հարաբերությունների կարգավորմանը. Զախարովա

Եվրամիությունը ճնշում է գործադրում Սերբիայի վրա՝ Կոսովոյի ինքնահռչակ Հանրապետության պետականությունը ճանաչելու նպատակով։

Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Զախարովան ուշադրություն է հրավիրել ԵՄ-ի կողմից Պրիշտինայի գործողությունների խրախուսման վրա։

«ԵՄ-ի ջանքերը հանգում են Բելգրադի վրա ճնշման՝ նպատակ ունենալով քայլ առ քայլ դրդել ճանաչել «Կոսովոյի պետականությունը»», – նշել է նա:

Զախարովան հավելել է, որ «ազնիվ միջնորդի» դերի անկարողությունը դրսևորվում է ցանկացած բանակցությունների ընթացքում, որոնց միանում է ԵՄ-ն:

Նա հիշեցրել է Հայաստանում քաղաքացիական առաքելության հետ կապված նմանատիպ իրավիճակի մասին, որը ԵՄ-ն ծավալել էր փետրվարին:

Արդյունքում կազմակերպությունը չի կարողացել նպաստել այդ տարածաշրջանում հարաբերությունների կարգավորմանը։

Եզրափակելով խոսքը՝ Մարիա Զախարովը նշել է, որ ԵՄ-ում խոսքով պաշտպանում են պետությունների տարածքային ամբողջականությունը, իսկ «գործնականում առաջ են տանում տարածքի մի մասի պոկումը Սերբիայից»: