Հավատում ենք, որ բանակցություններում կարևոր քայլեր են արվում. Պատել

ԱՄՆ պետքարտուղարության փոխխոսնակ Վենդանտ Պատելը անդրադարձել է Բրյուսելում կայացած հայ-ադրբեջանական բանակցություններին։

Պատելը, մասնավորապես, հայտարարել է. «Բրյուսելի բանակցությունների վերաբերյալ որևէ լրացուցիչ գնահատական չունեմ։ Ակնհայտ է, որ ԱՄՆ-ն այս բանակցությունների մասնակից չի եղել։ Բայց, որպես Արլինգթոնում մեր հյուրընկալած բանակցությունների շարունակություն, հավատում ենք, որ դրանք կարևոր, առաջընթաց քայլեր են, քանի որ շարունակում ենք տեսնել, որ հնարավոր է կայուն խաղաղություն երկու երկրների միջև», – հավելել է Պատելը։