«86.600 կմ²-ը ներառում է նաև ԼՂ-ն, բայց պետք է արձանագրենք ԼՂ հայության իրավունքների և անվտանգության հարցը»

ՀՀ վարչապետ Նիկոլ Փաշինյանն անդրադարձել է Ադրբեջանի 86.600 կմ²տարածքը ճանաչելու մասին հայտարարությանը և պարզաբանել՝ այդպիսով ճանաչու՞մ է ԼՂ-ն Ադրբեջանի մաս․ «86.600 կմ²-ը ներառում է նաև Ղարաբաղը։ Բայց պետք է արձանագրել՝ մենք ասում ենք, որ ԼՂ հայության իրավունքների և անվտանգության հարցը պետք է քննարկվի Բաքու-Ստեփանակերտ ֆորմատով»։

Փաշինյանի խոսքով՝ Հայաստանի բոլոր կառավարությունները ճանաչել են Ադրբեջանի տարածքային ամբողջականությունը. «86.600 կմ²մակերեսով Ադրբեջանի տարածքային ամբողջականությունը Հայաստանը պատրաստ է ճանաչել, և, մեր ընկալմամբ, Ադրբեջանն էլ պատրաստ է ճանաչել Հայաստանի՝ 29.800 կմ² մակերեսով տարածքային ամբողջականությունը։ ԼՂ հայության իրավունքների և անվտանգության հարցը պետք է քննարկվի Ստեփանակերտ-Բաքու երկխոսության միջոցով, այդ ֆորմատում, և մենք կարևոր ենք համարում այդ բանակցությունների համար միջազգային երաշխիքների ստեղծումը»։