«Երեմյան Ֆարմ ֆեստ 2023» միջոցառմամբ ընկերությունը նշել է ֆերմայի ծննդյան օրը

Yeremyan Products ընկերությունը ֆեյսբուքյան իր էջում տեղեկացնում է.

«Վայոց Ձորի մեր տավարաբուծական ֆերման 4 տարեկան է։

Մեր ֆերմայի ծննդայն օրն այս տարի մեծ շուքով՝ «Երեմյան Ֆարմ ֆեստ 2023» միջոցառմամբ նշեցինք
▪️ Գյուղատնտեսական ոլորտում մեր հաջողությունների մասին պատմելիս առաջինը հիշատակեցինք մեր խելամիտ և պրոֆեսիոնալ աշխատակիցներին ու նրանց քրտնաջան, նվիրված աշխատանքը։
ՀՀ էկոնոմիկայի փոխնախարար Աշխեն Շիրվանյանը և «Երեմյան Փրոջեքթս» ընկերության գլխավոր տնօրեն Դավիթ Երեմյանը աշխատակիցներին շնորհակալագրեր հանձնեցին, իսկ ընկերությունը՝ հատուկ նվերներ։

▪️ Միջոցառման հյուրերն էին նաև Վայոց ձորի մարզպետը և Ջերմուկի քաղաքապետը

▪️ Միջոցառման քննարկման առանցքային թեման ֆերմերային տնտեսությունների կարևորությունն էր, ինչպես նաև տավարաբուծական և հողագործության ոլորտներում նոր նշաձողերի սահմանման անհրաժեշտությունը

Հյուրերը հնարավորություն ունեին ծանոթանալու նաև Yeremyan Products-ի կաթնամթերքի ամբողջ տեսականուն

Հետաքրքիր և ուշագրավ էր նաև, որ ամենաբարձր ցուցանիշներով աչքի ընկած կովերն առանձնացվել ու ներկայացվել էին մեր հյուրերին․ հատուկ մրցույթում նրանք նույնպես պարգևատրվեցին:»