Ֆրանսիայի հայկական կազմակերպությունների համակարգող խորհուրդը հայտարարություն է տարածել՝ մայիսի 22-ին ՀՀ վարչապետ Նիկոլ Փաշինյանի այն դիրքորոշմանը, որ Հայաստանը պատրաստ է ճանաչել Ադրբեջանի տարածքային ամբողջականությունը՝ 86.600 քառակուսի կիլոմետր տարածքով, որում ներառված է նաև ԼՂ-ն:
Խորհուրդը նշել է, որ կտրականապես դեմ է Լեռնային Ղարաբաղի ժողովրդի նկատմամբ Ադրբեջանի ինքնիշխանությանը.«Մենք վճռականորեն սատարում ենք Արցախի հայ ժողովրդին, ինչպես նաև Լեռնային Ղարաբաղի Հանրապետության խորհրդարանի դիրքորոշմանը, որը վերահաստատել է Արցախի ժողովրդի՝ ինքնորոշման իրավունքն իրացնելու վճռականությունը՝ համաձայն ՄԱԿ-ի կանոնադրության հոդված 2-ի, ինչպես նաև ԵԱՀԿ Մինսկի խմբի կողմից առաջ քաշված սկզբունքների։
Միջազգային իրավունքի մաս կազմող այս սկզբունքն ավելի քան հրատապ է, քանի որ արցախահայությանը սպառնում է էթնիկ զտում, որն ակնհայտորեն պանթուրքիզմի ցեղասպանական ծրագրերի շարունակությունն է, ինչի վկայությունն են, մասնավորապես, Ադրբեջանի 2020 թվականի ռազմական ագրեսիան և Արցախի շրջափակումը 2022 թվականի դեկտեմբերի 12-ից։
ՖՀԿՀԽ-ը, որը միավորում է 1915 թվականի ցեղասպանության զոհերի ժառանգների կողմից ստեղծված և Ֆրանսիայի տարածքում գործող կազմակերպությունները, իր բողոքն է արտահայտում պատմության կրկնվելու վտանգի առնչությամբ: Կազմակերպությունը կոչ է անում միջազգային կառույցներին կանխել այս սպառնալիքը և պաշտպանել հայ ժողովրդի, այդ թվում՝ Լեռնային Ղարաբաղի հայության՝ իր պապենական տարածքներում խաղաղ և ազատ ապրելու անքակտելի իրավունքը։
ՖՀԿՀԽ-ը մասնավորապես կոչ է անում Ֆրանսիայի իշխանություններին օգտագործել միջազգային ասպարեզում ունեցած ողջ կշիռը ՝ պաշտպանելու ազատ և ժողովրդավարական Արցախը, ինչպես նաև Հայաստանի տարածքային ամբողջականությունը՝ Ալիևի ռեժիմի հանցավոր նպատակներից։
Առանց արդարության և ազատության խաղաղություն հնարավոր չէ:
ՖՀԿՀԽ ազգային գրասենյակ23-ը մայիսի, 2023 թ.»:
Ֆրանսիայի պետական ծառայության, պետական գործունեության պարզեցման և վերափոխման նախարար Գիյոմ Կասբարյանին ճեպազրույցի ժամանակ լրագրողը հարցրել…
Կազանում տեղի են ունեցել Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի բանակցությունները։…
Բելառուսում հաջորդ նախագահական ընտրությունները կկայանան 2025թ. հունվարի 26-ին: Նման որոշում է կայացրել Բելառուսի խորհրդարանի ստորին…
Թուրքիայի նախագահ Ռեջեպ Թայիփ Էրդողանը հոկտեմբերի 23-ին մեկնել է Կազան, որտեղ երկրորդ օրն է՝ ընթանում…
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանի Հանրապետությունում Եգիպտոսի Արաբական…
Ադրբեջանի ներքին գործերի նախարարությունը հայտնում է հոկտեմբերի 22-ին Բաքվի Նասիմիի շրջանում կատարված դաժան սպանության մասին:…