ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Գերմանիայի կանցլեր Օլաֆ Շոլցի՝ ՌԴ նախագահ Վլադիմիր Պուտինի հետ հեռախոսազրույց ունենալու ցանկությունը։
«Արդյո՞ք Շոլցը պատրա՞ստ է ասել, թե ով է պայթեցրել «Հյուսիսային հոսքը»,- գրել է Զախարովան Տելեգրամում։
Հիշեցնենք, որ Գերմանիայի կանցլեր Օլաֆ Շոլցը հայտարարել է, որ ծրագրում է մոտ ապագայում խոսել ՌԴ նախագահ Վլադիմիր Պուտինի հետ։
«Ես նախատեսում եմ դա նորից անել մոտ ապագայում»,- շաբաթ օրը հայտարարել է կանցլերը Նյուրնբերգի բողոքական եկեղեցու 38-րդ համագումարի ժամանակ։
Շոլցը նաև հավելել է, որ «արդար խաղաղության» համար անհրաժեշտ պայմանը Ռուսաստանի զորքերի դուրսբերումն է Ուկրաինայի տարածքից։
