Իսլամաբադը մեծ նշանակություն է տալիս Մոսկվայի, Երևանի և Բաքվի հետ կապերի ամրապնդմանը։ Այս մաիսն ռուսական ՏԱՍՍ-ին տված հարցազրույցում հայտարարել է Մոսկվայում Պակիստանի դեսպան Ֆեյսալ Նիյազ Թիրմիզին։
Մեկնաբանելով Պակիստանի և Հայաստանի միջև դիվանագիտական հարաբերությունների հաստատումը՝ Բաքվի և Երևանի միջև լարվածության կարգավորման ֆոնին, ինչպես նաև Պակիստանում Հայաստանի առաջին դեսպանի նշանակման վերաբերյալ, դիվանագետը ընդգծել է, որ Հայաստանը, Ադրբեջանը և Կովկասը շատ ընդհանրություններ ունեն Պակիստանի հետ։
«ենք երկար տարիներ դիվանագիտական հարաբերություններ չենք ունեցել Հայաստանի հետ, և ես շատ ուրախ եմ, որ վերջին իրադարձությունները հանգեցրին Հայաստանի հետ նորմալ շփումներ հաստատելու անհրաժեշտության ճանաչմանը: Եթե նայեք վերջին իրադարձություններին, ես շատ եմ ճանապարհորդել Դաղստան, Չեչնիա, Սոչի, Կրասնոդար և եղել եմ Ադրբեջանում։ Պատմականորեն Կովկասյան տարածաշրջանի և Պակիստանի միջև կա հսկայական կապ։ Ես բազմաթիվ հեռանկարներ եմ տեսնում Պակիստանի, Հայաստանի և ամբողջ Կովկասյան տարածաշրջանի միջև»,- ընդգծել է նա։
Նա շեշտել է, որ Ադրբեջանում՝ Բաքվի ամենամեծ շրջաններից մեկը կոչվում է Մուլթան Սարայ (Մուլտանի քարավանատուն ), իսկ Մուլթանը Պակիստանի երրորդ կամ չորրորդ խոշորագույն քաղաքն է։
«Պակիստանում կա զգալի թվով հայ բնակչություն։ Քչերը գիտեն դա, բայց երկրի ամենաբարձր ռազմական պարգև ստացողներից մեկը հայկական ծագում ունեցող պակիստանցի զինվոր էր»,- հայտնել է դեսպանը։
Նա նաև մանրամասներ է պատմել Դուբայում հայերի և պակիստանցիների միջև հարաբերություններից։
«Ես նաև եղել եմ Դուբայում։ Այնտեղ բազմաթիվ ամուսնություններ են տեղի ունեցել հայերի և պակիստանցիների միջև։ Սա խթանում է մարդկանց միջև շփումներին, զարգացնում առևտուրը և խթանում մշակույթը։ Եվ ես կարծում եմ, որ Հայաստանը, Ադրբեջանը և Կովկասը շատ ընդհանրություններ ունեն Պակիստանի հետ», – նշել է դիվանագետը։
Ֆեյսալ Նիյազ Թիրմիզին պատմել է, որ դեռ մանկուց երազել է Կովկասի պատմության մասին գրքեր կարդալու մասին։
«Ես պատիվ եմ ունեցել այցելելու այս տարածաշրջանի բազմաթիվ երկրներ և շրջաններ: Մենք պատմական կապեր ունենք Կովկասի հետ, և Հայաստանը դրանց շատ կարևոր մասն է կազմում: Ես տեսնում եմ, թե ինչպես են ներկայումս զարգանում մարդկանց միջև շփումները և գործարար կապերը Հայաստանի և Պակիստանի միջև», – եզրափակել է նա:
