Իրարանցում Սպիտակ տանը․ պատճառը հայտնաբերված կոկաինն է

Radar.am Կիրակի օրը Վաշինգտոնի Սպիտակ տանը իրարանցում է տեղի ունեցել. թիկնապահները հայտնաբերել են անհայտ փոշի, և ԱՄՆ նախագահի աշխատակազմը շտապ տարհանվել է: 

Ինչպես հայտնում է BBC-ն, ավելի ուշ պարզվել է, որ փոշին կոկաին է։

ԱՄՆ Գաղտնի ծառայության խոսնակ Էնթոնի Գուլիելմին BBC-ին հայտնել է, որ փոշին հայտնաբերվել է կիրակի երեկոյան ժամը 9-ին, և Սպիտակ տունը փակվել է որպես նախազգուշական միջոց:

Нախագահի թիկնազորն անմիջապես կանչել է հրշեջներին, և նրանք արագ պարզել են, որ հայտնաբերված նյութը իրենից վտանգ չի ներկայացնում:

Այնուամենայնիվ, փոշին ուղարկվել է լրացուցիչ փորձաքննության:

Փոշին հայտնաբերվել է Սպիտակ տան Արևմտյան թևում, որտեղ, մասնավորապես, գտնվում է նախագահի աշխատասենյակը՝ Օվալաձև աշխատասենյակը, ինչպես նաև փոխնախագահի, Սպիտակ տան աշխատակազմի ղեկավարի, վարչակազմի մամուլի քարտուղարի գրասենյակները և հարյուրավոր այլ աշխատակիցների աշխատասենյակներ:

Այժմ հետաքննություն է ընթանում, թե ինչպես է փոշին հայտնվել Սպիտակ տանը: