Ամբողջ աշխարհում ամառվա ամիսներնը տուրիստական սեզոնի ամենաակտիվ շրջանն է համարվում։
Գրեթե բոլոր երկրներն արձանագրում են տուրիստական ներհոսքերի աճ, և իհարկե՝ արտագնա տուրիզմն ինտենսիվ թափ է ստանում հատկապես դեպի եվրոպական երկրներ։
Ավելացող ուղևորահոսքերն ու թռիչքային հաճախությունների պիկերն օբյեկտիվորեն հանգեցնում են մի շարք խնդիրների, որոնց բախվում են ավիաընկերությունները․ ընդ որում՝ որքան շատ են ավիաընկերության կողմից սպասարկվող պահանջված ուղղությունները, այդքան մեծանում է հնարավոր խնդիրների հավանականությունը։
Այս առումով բացառություն չէ նաև հայկական ավիաշուկան։ Հետաձգված կամ չեղարկված չվերթների վիճակագրությունը ցույց է տալիս, որ դրանք հատկապես աճում են տուրիստական պիկին։ Սա, իհարկե, գուցե մասնավոր օրինակներում անկարևոր թվա, բայց համընդհանուր պատկերում կարևոր նշանակություն ունի․ Իրողություն է, որ ճամփորդությունն ավելի հասանելի է դարձել հասարակության լայն շերտերի համար։
Սրա վրա գործուն ազդեցություն ունի մատչելի ավիատոմսերի ազդեցությունը, ինչը թույլ է տալիս երբեմնի մի քանի անգամ թանկ արժեքի փոխարեն օգտվել օրինակ բյուջետային (low cost) ավիաընկերությունների կողմից առաջարկվող մատչելի տոմսերից։
Մյուս կարևոր գործոնը եվրոպական երկրներ մուտքի հնարավորությունների ընդլայնումն է նախորդ տարիների համեմատ․ այսօր ակնհայտ է, որ ավելի մեծ թվով Հայաստանի քաղաքացիներ են շրջագայում դեպի եվրոպական երկրներ․ և սա նաև նրա շնորհիվ է, որ հայկական ավիաընկերություններին հաջողվում է հասնել նրան, որ Երևանից չվերթներ ունենալ դեպի եվրոպական քաղաքներ։
Այս ամենին զուգահեռ՝ ավելանում են նաև այն օբյեկտիվ խնդիրները, որոնց բախվում են ավիաընկերությունները։ Սա օրինաչափ է ամբողջ աշխարհում․ չափելի միավորը և այդ խնդիրների վրա ավիաընկերության կանխարգելիչ գործողությունների հնարավորությունը մասնավոր օրինակներում գուցե դիտարկելի են․ Բայց ընդհանուր առմամբ ավիաընկերությունների վարկանիշը, և չվացուցակում թռիչքների հետաձգումներն ու չեղարկումները պետք է դիտարկել համաշխարհային փորձի պրիզմայով․ և որ ամենակարևորն է՝ հետևել ընկերության գործողություններին՝ այդ խնդիրների հետևանքով առաջացած իրավիճակներն ինչ լուծում են ստանում․ այստեղ իհարկե՝ հայկական ավիաընկերությունները համաշխարհային լավագույն փորձառությունն ինտեգրելու ճանապարհին են, բայց ունեցած վիճակագրությունն ընդհանուր առմամբ օրինաչափ է, և ակնհայտորեն՝դրական դինամիկայի շարժով։
