ԱԺ ՔՊ խմբակցության պատգամավոր Խաչատուր Սուքիասյանն անդրադարձել է ծխելն արգելելու վերաբերյալ օրենսդրությանը՝ այն որակելով խայտառակություն։
«Բոլոր տեղերում ծխում են»,- ասաց նա՝ հավելելով, որ օրենք են ընդունում, բայց ռեսուրս չկա, որ հետևեն դրա պահմանը․ «Որպես պատգամավոր՝ գնում, նստում ենք, մեզ թույլ չենք տա, որ սրճարանում ծխենք, բայց ուրիշները ծխում են։ Իսկ ի՞նչ պետք է ասենք։ Ասենք, 20 հոգի ծխում է, գնացինք, ի՞նչ ասենք»։
Սուքիասյանը նշեց, որ խորը մտածելու դեպքում հնարավոր էր այլ գործիքներ գտնել. «Եթե չենք գտել, ես խնդրում եմ հեղինակներին՝ ետ գնալ, այս մեկ տարին մոնիտորինգ անել, ուսումնասիրել, մտնել սրճարաններն, ասել՝ պարոն, ձեզ մոտ քանի՞ հոգի է ծխում»։
Ըստ նրա՝ օրենքի հեղինակները երբ տեսնում են, որ սրճարանում ծխում են, ինչպե՞ս են զգում իրենց. «Դա նշանակում է՝ չի աշխատում օրենքը, նշանակում է՝ ինչ-որ բան սխալ է արված»։
