ՀՀ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի ղեկավարությամբ տեղի է ունեցել ՀՀ ԱԺ Պաշտպանության և անվտանգության հարցերի մշտական հանձնաժողովի արտահերթ նիստ:
Նիստի օրակարգում դրված էին ՀՀ կառավարության կողմից ներկայացված «Զենքի շրջանառության կարգավորման մասին» օրենքում լրացումներ եւ փոփոխություններ կատարելու մասին (երկրորդ ընթերցում) և «Պետական տուրքի մասին» օրենքում լրացումներ եւ փոփոխություն կատարելու մասին (երկրորդ ընթերցում) նախագծերը:
Նախագծերի վերաբերյալ հիմնական զեկույցով հանդես եկավ ՀՀ Ներքին գործերի փոխնախարար Արփինե Սարգսյանը, իսկ հարակից զեկույցով` ՀՀ ԱԺ Պաշտպանության և անվտանգության հարցերի մշտական հանձնաժողովի անդամ Վիլեն Գաբրիելյանը: Նախագծերը միաձայն արժանացել են հանձնաժողովի դրական եզրակացությանը:
