Արցախում հանրահավաքի մասնակիցները քայլերթով հասել են ռուսական խաղաղապահ զորակազմի զորակայան։ Նրանք պատրասվում են ներկայացնել պահանջները՝ դադարեցնել Արցախի շրջափակումն ու հումանիտար աղետը։
Արցախի պետական նախարար Գուրգեն Ներսիսյանը քայլերթի մասնակիցներին հայտնել է, որ մի քանի հոգով հանդիպում կունենան Արցախում տեղակայված ՌԴ խաղաղապահ զորակազմի հրամանատարի հետ, որից հետո ինքը կվերադառնա և կներկայացնի հանդիպման արդյունքները։ Մինչ այդ, ցուցարարները վրաններ են տեղադրել զորակայանի մոտ։
«Մենք այստեղ ենք, որպեսզի արցախցիների խոսքը փոխանցենք խաղաղապահներին, որ ամենևին բարեկամական չէ, երբ Արցախը գտնվում է լիակատար շրջափակման մեջ, բայց մենք ամեն օր տեսնում ենք ուղղաթիռների թռիչքներ»,- ասել է պետնախարարը։
