ՌԴ-ն ունի բավարար չափով կասետային զինամթերքի պաշար. Պուտին

Ռուսաստանն ունի տարբեր տեսակի կասետային զինամթերքի բավարար պաշար:

Այս մասին ասել է ՌԴ նախագահ Վլադիմիր Պուտինը: Կադրերը հրապարակել է լրագրող Պավել Զարուբինը «Տելեգրամ»-ի իր ալիքում։

«Կցանկանայի ասել, որ Ռուսաստանն ունի տարբեր տեսակի կասետային զինամթերքի բավարար պաշար՝ տարբեր տեսակի»,-նշել է Պուտինը։

Հինգշաբթի օրը ԱՄՆ-ի միացյալ շտաբի օպերացիոն տնօրեն Դուգլաս Սիմսը ճեպազրույցում ասել էր, որ Ուկրաինան կասետային զինամթերք է ստացել ոչ միայն ԱՄՆ-ից, այլև այլ երկրներից։

ԱՄՆ նախագահ Ջո Բայդենը հուլիսի 7-ին հայտարարել է Կիևի ռեժիմին կասետային զինամթերքի մատակարարումները սկսելու իր որոշման մասին։

ՌԴ ԱԳՆ պաշտոնական ներկայացուցիչ Մարիա Զախարովան ընդգծել է, որ նման մատակարարումները վտանգում են խաղաղ բնակիչներին և ուղղված են ճգնաժամի երկարացմանը։

Ուկրաինայի զինված ուժերը, ըստ ռուս զինվորականների, արդեն իսկ օգտագործել են կասետային զինամթերք Դոնբասի, մասնավորապես Դոնեցկի հրթիռակոծման համար։

ՌԴ պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովի խոսքով՝ դա թույլ է տալիս ենթադրել, որ ուկրաինական զորքերի խնդիրն առավելագույն թվով խաղաղ բնակիչների սպանությունն է։

Ռուսաստանը նոտա է հղել ՆԱՏՕ-ի երկրներին Ուկրաինային զենք մատակարարելու պատճառով. ՌԴ ԱԳ նախարար Սերգեյ Լավրովն ընդգծել է, որ Ուկրաինայի համար զենք պարունակող ցանկացած բեռ Ռուսաստանի համար օրինական թիրախ կդառնա։

ՌԴ ԱԳՆ-ն հայտարարել է, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային։

Լավրովը նշել է, որ ԱՄՆ-ն և ՆԱՏՕ-ն ուղղակիորեն ներգրավված են Ուկրաինայի հակամարտության մեջ՝ «ներառյալ ոչ միայն զենքի մատակարարումը, այլև անձնակազմի պատրաստումը Մեծ Բրիտանիայի, Գերմանիայի, Իտալիայի և այլ երկրների տարածքում»։

Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Ուկրաինա Արևմուտքից զենք մղելը չի նպաստում ռուս-ուկրաինական բանակցությունների հաջողությանը և բացասական ազդեցություն կունենա։