Հուսով եմ, որ Մբապեն կգա, քանի որ նա մեզ շատ կօգնի․ Ռոդրիգո

Մադրիդի «Ռեալի» հարձակվող Ռոդրիգոն հույս ունի, որ «Պարի Սեն Ժերմենի» հարձակվող Կիլիան Մբապեն այս ամառ կլինի իսպանական ակումբում:

««Ռեալում», շատ խճճված է, միշտ խոսակցություններ կան, իսկ այս տարի խոսակցություններ կային Հարի Քեյնի մասին»,- ասել է նա Sport TV-ի եթերում, գրել է Goal.com-ը։

«Երբ ես ժամանեցի Մադրիդ, շատ խոսվեց Պոգբայի գալու մասին, այնպես որ ես որևէ տեղեկություն չունեմ, ստիպված ենք սպասել ու տեսնել: Իհարկե, հուսով եմ, որ Մբապեն կգա, քանի որ նա մեզ շատ կօգնի: Նա իսկական աստղ է, բայց մենք իսկապես որևէ բան չգիտենք»,- ասել է բրազիլացի ֆուտբոլիստը։

Ենթադրվում է, որ Մադրիդի «Ռեալը» պատրաստ է այս ամառ առաջարկել 200 միլիոն եվրո (171 միլիոն ֆունտ/225 միլիոն դոլար), եթե Մբապեն ՊՍԺ-ն պաշտոնապես վաճառքի հանի: Հաղորդվում է, որ հարձակվողը չի ցանկանում հրաժարվել ՊՍԺ-ի հետ «հավատարմության մեծ բոնուսից» և, հետևաբար, ցանկանում է ևս մեկ մրցաշրջան շարունակել Ֆրանսիայի մայրաքաղաքում: Նա կվաստակի իր հավատարմության բոնուսի միայն 50%-ը, որը կազմում է 40 մլն եվրո, եթե ման մինչև հուլիսի 31-ը: