Ուկրաինան հացահատիկի անվտանգ արտահանման համար նոր ժամանակավոր նավագնացության երթուղու վրա աշխատանք կսկսի: Այս մասին գրել է ТАСС-ը՝ վկայակոչելով Ուկրաինայի համայնքների, տարածքների և ենթակառուցվածքների զարգացման առաջին փոխնախարար Վասիլի Շկուրակովի նամակը ՄԱԿ-ի միջազգային ծովային կազմակերպությանը:
Նամակն ուղարկվել է այն բանից հետո, երբ Ռուսաստանը հայտարարել էր Սևծովյան նախաձեռնությունից դուրս գալու մասին։
ՄԱԿ-ին ուղարկված փաստաթղթի համաձայն՝ Կիևի իշխանությունները որոշել են ժամանակավոր հիմունքներով ստեղծել ծովային երթուղի:
«Դրա նպատակն է ապաշրջափակել միջազգային նավագնացությունը Սև ծովի հյուսիս-արևմտյան հատվածում»,- նշել է Ուկրաինայի փոխնախարարը:
