«Քաղաքացիական պայմանագիր» խմբակցության պատգամավոր Վահագն Ալեքսանյանը անդրադարձել է Իրազեկ քաղաքացիների միավորումի հրապարակած տեսանյութին։
Ինձ ամենաշատը դուր եկած դրվագը՝ «Լրագրող— Դու էդ մարդկանց բացատրե՞լ ես, թե ինչքան վատ կլինի իրանց համար եթե Ավինյանին չընտրեն։
Գյուղապետ— Եղբայր, դրանք էն մարդիկ են, որ եթե ես իրանց հակառակ բանն ասեմ(խմբ՝ ասեմ, որ ուրիշին ընտրեն), իրանք ինձ կասեն՝ դու քաղաքական պահով դուրս մնացիր մեզ համար, արի դու մնա ուղղակի բարեկամ։ Էդ մարդիկ լավ գիտեն, թե Երևանը ում հետ ունի ապագա, ում հետ ա գնալու կործանման»։
Քանի որ արդեն պարզեցինք, որ քաղաքական գործիչները զբաղվում են, ով զարմանք, քաղաքականությամբ, առաջարկում եմ պարզել՝ ճի՞շտ են արդյոք այն խոսակցությունները, որ բժիշկները զբաղվում են բժշկությամբ, իսկ օդաչուները՝ ինքնաթիռ քշելով։
Դե իսկ փաստը, որ ՏԻՄ մակարդակում քաղաքական գործիչը կարող է զբաղվել քաղաքականությամբ ու քարոզչություն անել իր թիմի օգտին, կարծում եմ տիեզերքի տրամաբանության մեջ մի կերպ կտեղավորվի։
Հատկապես, որ ամբողջ Հանրապետությունում համամասնական ընտրակարգի անցման տրամաբանությունը հենց դա է, որ գյուղապետերն ու համայնքային ավագանիները հենց քաղաքական գործիչ լինեն ու քաղաքական թիմ ներկայացնեն»,-գրել է նա։
