Այսօր՝ հուլիսի 23-ին, Ստրելնայում կայացել է Բելառուսի և Ռուսաստանի նախագահների հանդիպումը: Հանդիպման նպատակն էր քննարկել անվտանգության հարցերը և հակազդել Արևմուտքի պատժամիջոցների ճնշմանը։
Հանդիպման ժամանակ Բելառուսի նախագահն ասել է, որ Ուկրաինայի մասնատումն և տարածքների փոխանցումը Լեհաստանին, անընդունելի է իր համար.
«Եվ եթե Ուկրաինայի արևմտյան բնակչությանը անհրաժեշտ լինի, մենք, իհարկե, կաջակցենք նրանց։ Ես ձեզ խնդրում եմ քննարկել և մտածել այս հարցի շուրջ»,- ասել է Բելառուսի նախագահը՝ Վլադիմիր Պուտինին։
Վերջինս էլ հանդիպման ժամանակ հայտնել է, որ Բելառուս-ռուսական համագործակցության զարգացման բոլոր ծրագրերն իրականացվում են սպասվածից ավելի լավ տեմպերով:
