Լեռնային Ղարաբաղի հայերի իրավունքները և անվտանգությունը մենք ենք ապահովելու՝ Ադրբեջանի սահմանադրության հիման վրա։ Այս մասին China Media Group-ին տված հարցազրույցում հայտարարել է Ադրբեջանի նախագահ Իլհամ Ալիևը։
«Ադրբեջանում ապրում են տասնյակ տարբեր էթնիկ խմբեր, այդ թվում՝ հայեր։ Մենք երբեք կրոնական կամ էթնիկական հողի վրա խնդիրներ չենք ունեցել։
Ուստի հայերը, ովքեր բնակվում են Ադրբեջանի Ղարաբաղի շրջանում, կունենան նույն իրավունքներն ու անվտանգության երաշխիքները, ինչ Ադրբեջանի մյուս քաղաքացիները»,-ասել է նա։
Թշնամական երկրի ղեկավարի խոսքերով, դա լիովին համապատասխանում է միջազգային իրավունքի նորմերին և միջազգային հանրությունը սատարում է Ադրբեջանի այս դիրքորոշումը։
