Շուշիի դրվագը ուզո՞ւմ ենք քննվի, թե՞ չենք ուզում. Փաշինյան

Վարչապետ Նիկոլ Փաշինյանը այսօրվա մամուլի ասուլիսին անդրադարձել է Շուշիի անկման դրվագին ու դրա շորջ հարուցված քրեական գործին ու ընթացող նախաքննությանը։ Ըստ նրա՝ «շատ քաղաքական շրջանակներ ինձ մեղադրում էին Շուշին հանձնելու մեջ: Երբ քննությունը արդյունք ունեցավ և եղավ կալանավորված անձ, սկսվեց նրա պաշտպանությունը»:

Փաշինյանը գտնում է, որ պատերազմի բոլոր դրվագների համալիր ու մանրամասն պարզաբանումներ պիտի լինեն, մասնավորապես նաև՝ Շուշիի։ Նա հարց է բարձրացնում. «Ես հիմա չեմ հասկանում` Շուշիի դրվագը ուզո՞ւմ ենք քննվի, թե՞ չենք ուզում: Թե՞ ուզում ենք քննվի միայն այն դեպքում, եթե պարզվի, որ միակ պոտենցիալ մեղադրյալը ես եմ»։