Թուրքիայի արտգործնախարար Հաքան Ֆիդանը հայտարարել է, որ շարունակվում է Թուրքիայի և Հայաստանի հարաբերությունների կարգավորման շուրջ երկխոսությունն ու այն հարցերի քննարկումը, թե ինչ քայլեր պետք է ձեռնարկվեն այդ ուղղությամբ․
«Մենք կարծում ենք, որ Հայաստանի և Ադրբեջանի միջև համաձայնագիրը պետք է հնարավորինս շուտ ստորագրվի։ Դա թույլ կտա Թուրքիային՝ կարգավորել իր հարաբերությունները Հայաստանի հետ, և, այդպիսով, հիանալի հնարավորություն կստեղծվի՝ սկսելու տնտեսության զարգացման, կայունության և վերելքի գործընթացը, որի կենտրոնում կլինեն Ադրբեջանը, Թուրքիան և Հայաստանը, ինչպես նաև տարածաշրջանի մյուս երկրները»:
Նրա խոսքով՝ Հայաստանի և Ադրբեջանի միջև խորհրդակցություններ են ընթանում տարբեր հարթակներում. «Մենք շատ ուշադիր ենք հետևում այդ շփումներին: Շատ կարևոր է Հայաստանի և Ադրբեջանի միջև խաղաղության համաձայնագրի ստորագրումը։
Թուրքիայի և Հայաստանի միջև շփումներ են իրականացվում նաև սահմանների բացման հարցում»,- ավելացրել է նախարարը։
