«Ադրբեջանը ազատ է Լաչինի վերաբերյալ ցանկացած որոշում կայացնելու հարցում», – այսօր Անկարայում իր ադրբեջանցի գործընկեր Ջեյհուն Բայրամովի հետ բանակցությունների ավարտին հայտարարել է Թուրքիայի արտգործնախարար Հաքան Ֆիդանը։
«Լաչինի ճանապարհը Ադրբեջանի տարածք է։ Այդ իսկ պատճառով Ադրբեջանը դրա հետ կապված կարող է ցանակացած որոշում կայացնել, որը ճիշտ կհամարի, դա նրա ինքնիշխան իրավունքն է», – ասել է թուրքական դիվանագիտության ղեկավարը, պնդելով նաև, որ «Լաչինի ճանապարհը բաց է բժշկական կարիքներով օգտագործման համար»։
«Կան նաև առանձնացված այլ երթուղիներ, որոնք պիտանի են համալիր բեռնափոխադրումների համար։
Այնպես որ, երբ մենք դիտարկում ենք հնչող գնահատականները, պարզ է դառնում, որ Ադրբեջանն այս հարցում անհիմն քննադատության է ենթարկվում», – շեշտել է Հաքան Ֆիդանը։
