Իշխող «Վրացական երազանք՝ ժողովրդավարական Վրաստան» կուսակցության ղեկավար Իրակլի Կոբախիձեն ճեպազրույցում ասել է, որ Վրաստանի տնտեսությունը տարեկան կկորցնի մինչև 1 միլիարդ դոլար, եթե երկիրն ամբողջությամբ արգելի ռուս զբոսաշրջիկների մուտքը։ Այս մասին հայտնում է ՏԱՍՍ-ը։
Կոբախիձեն նշել է, որ Վրաստանի տնտեսությունը կազմում է 30 մլրդ դոլար, իսկ ամեն տարի մոտ 1 մլրդ դոլարի կորուստը կարող է նշանակել 20-30 հազար աշխատատեղերի կորուստ։
Հուլիսի 27-ին Սոչիից վրացական Բաթումի նավահանգիստ է ժամանել Astoria Grande զբոսաշրջային զբոսաշրջային նավը, որում եղել են ռուսներ։ Քաղաքում սկսվել են բողոքի ցույցեր։ Հուլիսի 31-ի գիշերը ոստիկանության հետ բախումների պատճառով մի քանի ցուցարարներ բերման են ենթարկվել։ Ավելի ուշ հայտնի է դարձել, որ Astoria Grande նավն այլևս կանգ չի առնի Բաթումում։
