«Հանուն հանրապետության» կուսակցության հիմնադիր Արման Բաբաջանյանը գրել է.
«44-оրյա պատերազմի հանգամանքներն ուսումնասիրող հանձնաժողովի աշխատանքը ոչ միայն պետք է լիներ աղետալի պատերազմի հանգամանքների պարզ քննությունը, այլ Հայաստանի նորագույն՝ երեսնամյա պատմության արտաքին և ներքին պատճառների վերհանումը, դաշնակիցների, գործընկերների, անմիջական հարևանների հետ հարաբերությունների խորը ուսումնասիրությունը, որոնք այդ պատերազմը հնարավոր և անխուսափելի դարձրին։
Հանձնաժողովի շատ ավելի կարևոր առաքելությունը, իմ պատկերացմամբ, պետք է լինի ոչ թե, և ոչ այնքան բուն 44-օրյա պատերազմի հանգամանքների քննությունը, այլ դրան նախորդած, ուղեկցող և հաջորդած քաղաքական, աշխարհաքաղաքական գործընթացների ուսումնասիրությունն ու քննությունը, ինչպես նաև կարճաժամկետ, միջնաժամկետ և երկարաժամկետ հեռանկարում պետությունն ու պետականությունը նմանօրինակ աղետից պաշտպանելու համար անհրաժեշտ քաղաքական, պաշտպանական, անվտանգային, տնտեսական, ենթակառուցվածքային, տեխնոլոգիական կարողությունների կուտակմամբ՝ պետությունը համարժեք պատրաստության վիճակի բերելը»
