ԱԺ ՔՊ խմբակցության պատգամավոր Բաբկեն Թունյանը ֆեյսբուքի իր էջում ներկայացրել է, թե ինչպես է կիրառվում իր և Ծովինար Վարդանյանի հեղինակած օրենքը։

«Իմ և Ծովինար Վարդանյանի հեղինակած օրենքը՝ գործողության մեջ:

Թերլիցքավորում կատարած լցակայանները, բացի տուգանքից, ստիպված կլինեն մեկ ամիս փակցված պահել այս վահանակները:

Շուկայի վերահսկողության տեսչական մարմին անցել է գործի, և արդեն մի քանի լցակայաններում այս պատկերն է:

Հուսանք, սա կզգաստացնի տնտեսվարողներին, և առաջիկայում նման դեպքերը կհասնեն նվազագույնի»,- տեղեկացրել է Բաբկեն Թունյանը: