Վերջին տվյալներով՝ օգոստոսի 3-ին Վրաստանի Շովիում տեղի ունեցած սողանքի հետեւանքով 11 մարդ է զոհվել։ Մինչ այժմ փրկարարները տարհանել են 210 մարդու, որոնվում է 25 մարդ։
«Այժմ աշխատանքներն իրականացվում են զգուշորեն՝ կենդանի ուժով, տեխնիկայի հետ միասին, քանի որ էլի դիակներ կարող են լինել։ Ինչ վերաբերում է երեկ հայտնաբերված մահացածներին, ապա այս փուլում 11-ից վեցի ինքնությունը պարզվել է», – հայտնել են Վրաստանի կառավարությունից։
Այս պահին գործողությանը մասնակցում է 400 փրկարար եւ 200 զինվոր։ Բացի այդ, ներգրավված են սահմանային ոստիկանության ուղղաթիռներ եւ հատուկ տեխնիկա։
