Ռուսաստանի նախագահ Վլադիմիր Պուտինը կվերընտրվի 2024 թվականին՝ հավաքելով ձայների ավելի քան 90 տոկոսը։ Այս մասին հայտարարել է պետության ղեկավարի մամուլի քարտուղար Դմիտրի Պեսկովը։ Lenta.ru–ի փոխանցմամբ՝ նրա մեկնաբանությունը մեջբերում է New York Times-ը։
«Պուտինը մյուս տարի կվերընտրվի՝ հավաքելով ձայների ավելի քան 90 տոկոսը», – ասել է Պեսկովը։
Հրատարակության համաձայն՝ Պուտինի ժողովրդականության վարկանիշը շարունակում է բարձր մնալ։
2018 թվականի մարտին երկրի ղեկավարը նախագահական ընտրություններում հավաքել էր ձայների 76,69 տոկոսը (ավելի քան 55 միլիոն), ինչը ռեկորդային է հետխորհրդային Ռուսաստանի պատմության մեջ։
