Դերասանուհի Անջելինա Ջոլին չի ցանկանում բաժանվել Բրեդ Փիթից, քանի դեռ իր կրտսեր երեխաները չեն դարձել 18 տարեկան։ Այս մասին գրում է NewsNation-ը՝ վկայակոչելով իրավիճակին ծանոթ աղբյուրին։
«Նա պատրաստվում է ձգձգել ամուսնալուծությունը, մինչև երկվորյակները կդառնան 18 տարեկան: Եվս չորս տարի»,- ասել է Փիթի ընկերը NewsNation-ին:
59-ամյա Բրեդ Փիթը և 48-ամյա Անջելինա Ջոլին հայտարարեցին իրենց բաժանման մասին 2016 թվականին՝ ինքնաթիռում երեխաների ներկայությամբ ենթադրյալ թեժ վիճաբանությունից հետո։
Փիթը պայքարում է ոչ միայն երեխաների խնամակալության, այլ նաև Ֆրանսիայում գտնվող դղյակի և խաղողի այգիների սեփականության համար։ Ջոլին գինու բիզնեսի իր կեսը վաճառել է ռուս միլիարդատեր Յուրի Շեֆլերի Tenute del Mondo ընկերությանը, որը, ըստ Փիթի, անօրինական է, քանի որ ինքը հավանություն չի տվել գործարքին:
