Ինչպես արդեն տեղեկացրել ենք Հայկ Մարությանը այսօր տեսաուղերձով հայտարարեց, որ կմասնակցի Երևանի ավագանու ընտրություններին` գլխավորելով Ազգային առաջընթաց կուսակցության ցուցակը:
Ցուցակի մի շարք անդամներ եղել են Երևանի Իմ Քայլը խմբակցությունից որոնցից են Իզաբելլա Աբգարյանը, Գրիգորի Երիցյանը։
Մարությանի հայտարարությունն իրենց էջերում կիսել են նրա հետ քաղաքապետարանում աշխատած մարդիկ։
Օրինակ Հովսեփ Կուբաթյանը գրել է.
«Հայկ Մարությանը կմասնակցի Երևանի ավագանու ընտրություններին` գլխավորելով Ազգային առաջընթաց կուսակցության ցուցակը»։
Երևանի գործող ավագանու անդամ Իզաբելա Աբգարյանը տեղեկացրել է, որ Հայկ Մարությանի գլխավորությամբ մասնակցելու է Երևանի ավագանու առաջիկա ընտրություններին։
Երևանի ավագանու նախկին անդամ Գրիգոր Երիցյանը, որ հեռացել էր Մարությանի հետ, գրում է. «Մեր թիմը մասնակցելու է սեպտեմբերի 17-ին կայանալիք Երևանի ավագանու ընտրություններին»։
Երևանի ավագանու հերթական ընտրության քվեարկությունը կանցկացվի 2023 թվականի սեպտեմբերի 17-ին։Կուսակցությունների, կուսակցությունների դաշինքների ընտրական ցուցակների առաջադրման և գրանցման համար անհրաժեշտ փաստաթղթերը Կենտրոնական ընտրական հանձնաժողով ներկայացվում են՝ օգոստոսի 3-ից մինչև օգոստոսի 13-ը՝ մինչև ժամը 18:00-ն:
Կենտրոնական ընտրական հանձնաժողովում կուսակցությունների, կուսակցությունների դաշինքների ընտրական ցուցակների գրանցումը կատարվում է՝ 2023 թվականի օգոստոսի 13-ից մինչև օգոստոսի 18-ը:
Նախընտրական քարոզարշավը կմեկնարկի օգոստոսի 23-ից և կշարունակվի մինչև սեպտեմբերի 15-ը։
