Քիչ առաջ հայտնի դարձավ, որ ԱԺ «Հայաստան» խմբակցության պատգամավոր Անդրանիկ Թևանյանը վայր է դրել պատգամավորական մանդատը: Նա նաև հայտնել է, որ մասնակացելու է Երևանի ավագանու ընտրություններին և «Մայր Հայաստան» շարժման քաղաքապետի թեկնածուն է:
Անդրանիկ Թևանյանի մանդատը վայր դնելուց հետո նրան խորհրդարանում, ըստ «Հայաստան» դաշինքի նախընտրական ցուցակի, փոխարինելու է ՀՅԴ Շիրակի մարզային կոմիտեի ներկայացուցիչ Մհեր Մելքոնյանը: 24News-ի հետ զրույցում Մելքոնյանը հաստատել է, որ ինքն է հաջորդ թեկնածուն, բայց դեռ մանդատը վերցնելու մասին որոշում չկա.
«Գիտեք, ես դաշնակցական եմ և մեր կուսակցության Գերագույն մարմինը ինչպիսի որոշում կայացրեց, ես էլ կենթարկվեմ այդ որոշմանը»,- ասաց Մհեր Մելքոնյանը։
Հարցին, եթե այդուհանդերձ Գերագույն մարմինը որոշի, որ նա է փոխարինելու Անդրանիկ Թևանյանին, ի՞նչ ծրագրեր ունի, որոնք առաջնային են և կյանքի են կոչվելու, Մելքոնյանը նշեց. «Եկեք դրա մասին ավելի ուշ խոսենք, վերջնական որոշում կայացնենք, հետո արդեն կխոսենք դրա մասին,- եզրափակեց ՀՅԴ ներկակացուցիչը:
