Ուկրաինայի Զինված ուժերի՝ Մոսկվայի ուղղությամբ ԱԹՍ-ներով հարձակման հերթական փորձերից հետո «Վնուկովո» և «Դոմոդեդովո» օդանավակայաններում մոտ 30 թռիչք է հետաձգվել։
Այս մասին տեղեկանում ենք օդանավակայանների չվացուցակների տվյալներից:
«Դոմոդեդովո» օդանավակայանում հետաձգվել է 20 չվերթ, «Վնուկովո»-ում՝ ինը, ևս երեք չվերթ չեղարկվել է:
Հետաձգված ուղղությունների թվում է նաև դեպի Երևան թռիչքը:
Գիշերը «Վնուկովո» օդանավակայանը ներկայացրել է «Կարպետ» պլանը, որը ենթադրում է օդային տարածքի փակում և բոլոր ինքնաթիռների վայրէջք:
Այս պահին օդանավակայաններն աշխատում են բնականոն ռեժիմով, հայտնում է РИА Новости-ն։
Օգոստոսի լույս 10-ի գիշերը անօդաչու թռչող սարքերի հարձակումները Կալուգայի և Մոսկվայի շրջանների, ինչպես նաև Սևաստոպոլի վրա ճնշվել են, հայտնում է RT-ն։
Ինը անօդաչու թռչող սարք ճնշվել է էլեկտրոնային սարքերի միջոցով և կործանվել Սև ծովում։ Հարձակումների հետևանքով զոհեր և վիրավորներ չկան։
