2023-08-10
Լեհաստանը Բելառուսի հետ սահմանին ևս 10 հազար զինվորական կամրակայի
Այս մասին օգոստոսի 10-ին հայտնել է պաշտպանության նախարար Մարիուշ Բլաշչակը․ «Մոտ 10 հազար զինվորական կլինի, 4 հազար զինծառայող անմիջականորեն կմասնակցեն սահմանի պահպանության գործին, իսկ 6 հազարը՝ պահեստազորում կլինեն», – բացատրել է պաշտպանության նախարարը:
Նա հավելել է, որ դրանք լինելու են երկրի արևելքում տեղակայված կայազորներում հմտությունները կատարելագործող զինվորականներ:
Բլաշչակը նաև նշել է, որ երկու տարվա ընթացքում Լեհաստանը կունենա ամենաուժեղ ցամաքային բանակը Եվրոպայում՝ պայմանով, որ զորքերի ամրապնդման գործընթացը շարունակվի:
Հիշեցնենք, որ Վարշավան խոսել է սահմանին զինվորականների թվի ավելացման մասին այն բանից հետո, երբ բելառուսական երկու ուղղաթիռ խախտել են երկրի օդային տարածքը:
Լեհաստանը նաև չի բացառում լեհ-բելառուսական սահմանի փակման հնարավորությունը՝ Բելառուսում «Վագների» վարձկանների ներկայության պատճառով:
Նմանատիպ Նյութեր