Գերմանացի հայտնի հայագետ, ցեղասպանագետ, Բեռլինի Ազատ համալսարանի գիտաշխատող Թեսա Հոֆմանն անդրադարձել է Արցախի շրջափակման հարցին՝ նշելով․
«Ինչպես ցույց է տալիս Թուրքիայի Հանրապետության օրինակը, արցախահայերն իրենց հայրենիքում լավագույն դեպքում կարող են գոյություն պահպանել որպես ծպտյալ հայեր՝ ամբողջովին կախված իրենց հարստահարողների գթասրտությունից և զրկված ցանկացած արժանապատվությունից ու մարդու իրավունքներից։
Միջազգային հանրության արձագանքը, ցավոք, շատ ուշացած է. Հայկական սփյուռքը և նրա հաստատությունները կարող են կարևոր դեր խաղալ որոշումներ կայացնողներին մոբիլիզացնելու գործում: Եթե նրանք ցանկանում են։
Իրավական առումով սա հակամարտություն է ազգային ինքնորոշման իրավունքի և ինքնիշխանության սկզբունքի միջև՝ չնայած հետխորհրդային Ադրբեջանի հավակնությունն Արցախի նկատմամբ, այնուամենայնիվ, իրավականորեն վիճելի է։
Ավելին՝ ինքնորոշման և ինքնիշխանության հակամարտության միջև առաջինը գերակայություն ունի»։
