Ռոք երաժիշտ Սերժ Թանկյանն X սոցցանցի (նախկին Twitter) իր միկրոբլոգում անդրադարձել է Արցախի անկախության հարցին՝ նշելով, որ Արցախն իրավաբանորեն երբեք Ադրբեջանի մաս չի եղել։
«Բոլոր ֆաշիստ ադրբեջանցիներին, որոնք պնդում են, որ Հայաստանը Ադրբեջան է։ Ձեր մայրաքաղաք Բաքուն պատմական Հայաստան է։ Ադրբեջանը նույնիսկ երկիր չէր մինչև 1918 թվականը և ճանաչված պետություն չէր մինչև 1992 թվականի հունվարը: Արցախը ԽՍՀՄ-ից իր անկախությունը հռչակել է 1991 թվականին։ Այսպիսով, Արցախն իրավական տեսանկյունից երբեք Ադրբեջանի մաս չի եղել»,- գրել է Թանկյանը։
«Սա չափազանց կարևոր է Արցախի անկախության իրավունքի հարցը լուծելիս։ Այն երբեք չի եղել Ադրբեջանի անջատողական տարածաշրջան։ Դա ինքնավար մարզ էր, որը գտնվում էր ռուսական հեգեմոնիայի տակ, մինչև Ստալինը որոշեց այն հանձնել Ադրբեջանական ԽՍՀ-ին։ Դա ոչ մի իրավական նշանակություն չունի», – մեկ այլ գրառմամբ նշել է Թանկյանը։
