ԱՀ ՊԲ-ն հայտարարություն է տարածել՝ հերքելով ադրբեջանական լրատվամիջոցների՝ ՊԲ կողմից շփման գծի մոտ ռազմական տեխնիկա տանելու մասին տեսանյութը։
«Ադրբեջանական լրատվամիջոցները կեղծ տեսանյութեր և սուտ տեղեկություններ են տարածում այն մասին, թե իբր ՊԲ-ն տարատեսակ ռազմական տեխնիկա է տեղաշարժում և կենտրոնացնում շփման գծի տարբեր ուղղություններում:
Այդօրինակ ապատեղեկատվության տարածմամբ, Ադրբեջանը տեղեկատվական հող է նախապատրաստում հերթական սադրանքի համար»,- ասված է հաղորդագրության մեջ:
Ավելի վաղ տեղեկացրել էինք, Ադրբեջանի ԱԳՆ-ն գրառում էր կատարել որում ասվում էր. «Վերջին շաբաթների ընթացքում Ադրբեջանի տարածքում ապօրինի տեղակայված հայկական զինված ուժերը ակտիվացրել են ռազմաինժեներական աշխատանքները և այլ ռազմաշինարարական աշխատանքները, ինչը միջազգային իրավունքի, ինչպես նաև Հայաստանի պարտավորությունների կոպիտ խախտում է, որն ամրագրված է 2020 թվականի նոյեմբերի 10-ի եռակողմ հայտարարության մեջ»։
