Ռուսական զորքերի կողմից Լվովի գիշերային գնդակոծության ժամանակ ավելի քան 100 բնակարան է վնասվել․ հայտնել է քաղաքապետ Անդրեյ Սադովիը։
Նրա խոսքով՝ հրթիռներից մեկը ընկել է մանկապարտեզի բակ, ինչի հետևանքով այն ոչնչացվել է։ Բժշկական օգնության է դիմել 4 բնակիչ։
Լվովի շրջանային ռազմական վարչակազմի ղեկավար Մաքսիմ Կոշիցկին մանրամասնել է, որ հրթիռների բեկորները, ի թիվս այլ տեղերի, ընկել են բազմաբնակարան շենքերի վրա՝ պատճառելով ավերածություններ։ Լվովի հիպերմարկետներից մեկում հրթիռի բեկորներից առաստաղ է փլուզվել։
